اود فى البدايه اشكر اعضاء المنتدى واحب اشارك بقصيده كتبتها واتمنى ان تنال اعجابكم بعنوان
اعتذر
باعتذر ارجوك سامحنى مش من حقى اقبل هواك
باعتذر حبك جارحنى وما استاهلش اكون معاك
لازم تقبل اعتذارى و تعيش حياتك بعد منى
ما اقدرش اعيش معاك بنارى دى الحقيقه وغصب عنى
صعب اكون معاك لوحدى وعقلى شارد مش معايا
حب تانى واحده بعدى تعوضك عنى فى جفايا
كلامى ليك واضح صريح افهمنى افهم قصدى
ما اقدرش امشى عكس الريح و لا القدر اقدر عليه
باعتذر ارجوك تسيبنى بس اوعى فى يوم تعاتب
اد ما حبك عاجبنى قلبى دايما عنه غايب
باعتذر لكن ده قدر و قسمه والنصيب مكتوب
متقولش قلبى فى يوم غدر ده انا قلبى فى الحياه مغلوب
لازم تسامح ونفترق مهما القرار غير حياتك
وان قلبك بعدى فى يوم عشق سجلنى فى هامش ذكرياتك
وارجوك تقدر انى لسه فاكرة حبك والحنين
وان صوتك عندى همسه بتصحى فى تانى الانيين
لكن هو ده النصيب علينا وع القلوب غلاب
حكمه ع العاشقين غريب و لو قدرنا نعيش اغراب
لازم نسلم له ونعيش منعترضش على الحياه
ماهى الحياه متنتهيش الا لو امر الاله
باعتذر
تحياتى لكم الله ناظرى
المواضيع المتشابهه
العرض العادي
